Til kretslaget

13 år gamle Renathe Hagen Lunde har denne hausten vore gjennom fotballskule og sonesamling i regi av Hordaland fotballkrets.

I dag kom meldinga om at Renathe er uteken vidare og er med i kretslagsstallen som tel 19 spelarar.

Også Rikke Vermedal er tatt ut (til jenter 14). Ho var med også forrige sesong på kretsen sitt lag.

Kretsen sitt spelarutviklingsprosjekt er eit samarbeid med Arna-Bjørnar, der spelarane vil møta kvar tysdag kl. 1800-1930 gjennom vinteren i Vestlandshallen. Fyrste trening er 2.desember.