Søndagsope?

Hausten er definitivt komen, og sommar-fenomenet med søndagsopne butikkar på Tysnes er over for denne gongen.

Vi har lurt på kva folk tenkjer om dette, og i «Di meining» stilt spørsmålet:

Straks slutt på søndagsopne butikkar, kva tenkjer du om det?

Vi fekk inn 699 stemmer denne gongen.

Dei som valde å avgje stemmer denne gongen har kanskje eit avslappa forhold til planlegging og struktur, for 34% (238 stemmer) meinte at det vert stress sidan dei må begynne å planlegge.

Like bak med 28% (195 stemmer), kom dei som er i mot søndagsopne butikkar og valde alternativet Flott, søndagsope er ein u-ting».

15% (105 stemmer) valde «Har dei hatt ope?»  og like mange Tragisk, eg kjem til å svelta i hel

På delt sisteplass med begge 4% (28 stemmer) av stemmene, kom alternativa «Endelig ein dag fri.» og «Då rekk kredittkortet å kjøla seg ned før ny veka!»

Vi held oss innan temaet helge-“aktivitetar” når vi no legg ut neste “Di meining”.

For mange har fredagstacoen vorte ein fast tradisjon, korleis er det heime hos deg?