Ingen privatskule

Utdanningsdirektoratet har gitt avslag på søknaden frå Tysnes Privatskulelag om å starta privatskule på Tysnes. Planen var å starta opp privatskulen frå hausten 2013, skriv Bladet Tysnes.

Tysnes Privatskulelag fekk like før jul brev frå Utdanningsdirektoratet der grunngjevinga for avslaget er at dei ikkje har sendt inn naudsynt informasjon til direktoratet.

Tysnes kommune har tidlegare uttalt at dei ikkje kan sjå at det skal ver trong for ein privatskule i kommunen.

Torstein Fjeldet Lunde står registrert som kontaktperson for Tysnes Privatskulelag i Brønnøysundregistrene.