Alan Walker kjem!

Alan Walker kjem!

Av Av Johnny Helgesen
(Tysnesingen 07.02.18)

Då uveret sette ein stoppar for Alan Walkers konsert på Tysnesfest i fjor, lova bergensaren at han skulle komme tilbake i 2018. Me er no utruleg stolte over å bekrefta at avtalen med Walker er i boks!

 

Alan Walker var fyrste norske artist som fekk over ein halv milliard spelingar av sin eigen låt på Spotify.

 

20-åringen frå Fana har gjort ei lynkarriere. Han er født i England, men har budd i Fana utanfor Bergen mesteparten av sitt liv. I desember 2015 blei han verdskjent med singelen «Faded», som i skrivande stund er strømma nesten 1,5 milliard gonger på Youtube, og meir enn 700 millionar strøymingar på Spotify.

 

I tillegg til signaturlåta «Faded» er Alan Walker mellom anna kjent for store hits som «Alone», «Sing me to sleep», «Spectre» og «All falls down».

[bilde=26257]

Walker har turnert heftig det siste året, og i april er han booka inn på ei av verdas største og viktigaste musikkfestivalar, Coachella i USA. Der skal Walker stå på same scene som mellom anna Beyonce, The Weeknd og Eminem!

 

Noko av det verste ein festival- og konsertarrangør kan oppleva er å måtta avlysa ein konsert med påfølgande evakuering av arenaen. I ettertid får me bekrefta gong på gong at avgjersla var 100% korrekt. 

Våre friviljuge, dei forskjellige etatane me har i aktivitet, artistar, crew og ikkje minst publikum har støtta oss i dette. Me har fått hundrevis av støttemeldingar frå publikum som set pris på at me set tryggleiken deiras i høgsetet. 

Slikt vær som me opplevde laurdagskvelden under Tysnesfest 2017 er heldigvis veldig sjeldan midt på sommaren, og i 2018 ligg alt til rette for at me kan få ei magisk oppleving når Alan Walker går på scena laurdag 14. juli 2018!

[youtube]nXwxfOlKf4Q[/youtube]

 

Alan Walker går på scena laurdag 14. juli 2018

[bilde=26258]

Desse artistane er til no booka til Tysnesfest 2018:

 

Alan Walker, Susanne Sundfør, Miss Tati, Adam Douglas, Gåte, Bigbang, Kari Bremnes, Amanda Delara, Dagny, Gardsbruk, The Vossa Rebels.

Alle foto: Stian Andersen

 

[bilde=26260]

Saksa frċ http://www.tysnesingen.no