• Nyhende
• Marknadsplass
• Epostregister
• Før i tida
• Turist
• Lag/org

Drivhuset på Belt seig saman grunna den tunge snøen som vart til etter mildvéret.

Seig saman

Drivhus på Belt måtte gje tapt for snøen.

Mildvèret siste dagane har gjort snøen tung. På Belt gjekk det utover plastdrivhuset oppe med vegen.

Jan Belt fortel til Tysnesingen at han måka sist på laurdag. Men han fekk ikkje ned det som låg på toppen av drivhustaket. - Dette var nok tyngre enn det såg ut til, og mildvèret natt til sundag gjorde at huset seig i hop, fortel han.

Det var ikkje noko verdifullt i huset og det vert no riven. Men det vert høve til å få blomar til sommaren på Belt likevel!

- Me legg plast på huset i bakkant og har utsalet derifrå denne våren/sumaren. Slik me har planlagt, vert det no betre plass for buskar og frukttre på dette arealet me ryddar, opplyser han.

- Sumarblomane er i full gang i drivhusa nedanfor vegen, så kundane våre skal få same kvalitet og service som før hjå oss, seier Jan Belt.

  

TIPS TYSNESINGEN

Gunnar Hansen
Tlf 97 15 30 89
gu-ha@c2i.net
Kontaktskjema